السلام عليكم ورحمه الله وبركاته وبعد معاكم علي الرشم فشرح جديد ألا و هو تطوير التطبيقات 🎩
تطوير التطبيقات أو بالأخص تطوير تطبيقات الهاتف 📱
فولينا كنشوفو دابا تطبيقات الهاتف من أهم المجالات في البرمجة حاليا و هذا راجع لأن التطبيقات ولات مطلوبة بزاف فشكون منا مكيستخدمهاش .
وفهاد الوقت ولات أنظمة أندرويد و أبل الأكثر استعمالا . أو من هنا أنطرحو واحد التساؤل شناهما التطبيقات لهاد الأنظمة أو كيفاش يتم تطويرها .💡
أولا خاصنا نعرفو واحد الحاجة ، تطبيقات الهاتف كاتنقسم ل 3 أنواع :
1- native
2- platform
3- hybird
أولا تطبيقات ال natibe :
هي أقوي نوع من التطبيقات محيتاش كاتكتب بلغة الاصليه فمثلا في نظام الاندرويد عدنا جوج د الخيارات لتطوير تطبيقات و هما لغتي :
1- java
2- kotlin
أو حتا ف ال IOS كاين حوج لغات لبرمجة تطبيقات الأصلية وهما :
1- swift
2- objective C
ولكن سلبيات ديال هاد التطبيقات أنها مكلفة و فيها صعوبة في التطوير تاعها و خاصك الوقت و الجهد أو كتلطلب تطوير تطبيقين بلغتين مختلفتين واحد لل Android أو لاخر لل IOS .
-----------------
أندوزو دابا لتطبيقات Cross platform :
خدات هاد التطبيقات استحسان كبير فالفترة الاخيرة أو ولا الأغلبية كيفضلها على باقي التطبيقات محيتاش كتوفر الوقت و الجهد و الأداء ديالها قوي وقريب من تطبيقات ال native والبرمجة ديالها ألطف و أسهل 🙂
أو الميزة ديال هاد التطبيقات أنها كتبرمج مرة وحدة وبلغة واحدة ثم كاتعطينا داك الكوظ لتطبيقين واحد لنظام Android و الآخر لنظام IOS ، أو يمكن تصاوب تطبيقات للويب و windows phone حتاهو ....
التقنيات لي كتستخدم فهاد النوع من من التطبيقات :
1- react native ( JavaScript)
2- flutter (dart)
3- xamarain (C#)
أو كاين تقنيات أخرى....
-------------------
كاين عاوتاني تطبيقات ال Hybird :
أو هي أضعف نوع من التطبيقات محيثاش كاتكون عبارة على عرض ويب فقط إلا أن الأداء ديالها أضعف بزاااف و غير مناسبة التطبيقات المتوسطة إلى الكبيرة أو خصوصا إلى كانت فيها حركات أو effects بزاف بين الصفحات .
أو هاد التطبيقات كتبرمج بلغات الويب المعروفة :
1- HTML
2- CSS
3- JAVASCRIPT
-------------
لمهم هادا هو الشرح ديال ليوما كانتمنى يكون عجبكم أو تكونو استافدتوا منو شي حاجة .